قصيدة انا اعرف شغيرك والغيروك

انا اعرف شغيرك والغيروك
رادو بيناتة يموت الهوى
وعمو عينك من اجو ما كحلوك
العين ماتظل عين لو راح الضوء
انا ردت انساك بس شوكك جبير
ردت اكللك روح والفظها تعال
وانا جنحك لو ردت بيمن تطير
ليش بجناحك تحط بعدك شجاك
هاي لزمة وتنتهي وباجر تحير
اسمعني مرة واصفن لهذا المثال
انتة يم عيونهم ما ميزوك
بس يرؤاك الجرف ما عبروك
همه صح اشراع بس انا الهوى
جنت كحلة بناظرك وانتة البجيت
وطيحتني وانتة خدينك رمل
وجنت نار بدفتك لمن طفيت
تشيل برمادي عمدة وتهل
وانا كل هذا فلا كلت وحجيت
ولاجزع كلبي ولامنك امل
عود دلوك الدرب بس ضيعوك
واخذو التمرات وانطوك النوى
وانتة عطشان وابد لاماشربوك
ياسراب اللي عطش منه ارتويت

انا اعرف شغيرك والغيروك