القصيدة الرائعه لكاظم اسماعيل كاطع اريد ابجي أعلى صدرك

قصيدة من اروع القصائد الي تغنه بيهه الناس


قصيدة اريد ابجي على صدرك للشاعر الكبير كاظم اسماعيل كاطع

اترككم مع القصيدة


أريد أبجي إعله صدرك مشتهي النوح
و أريـد أكَعد إكَبـالك وأحسب إجروح

ومثل الطير من يودٌع الروح

جاي أركَص إبابك ركَص مذبوح !!


إهي كسرة عظم ماتجبــَر بيوم !!
ولا دورة سنه وآثارها تروح

كِسروا واهسي وخلوٌنــي مالوم
وخايف عله عيوني بالبجي إتروح
كنت آمر وأنهي وصاحب الراي
يوم أييـــدي طويله وجيلتي إتلوح

أريــد أبجي إعله صدرك مشتهي النوح
وأريد أكَعد إكَبــالك وأحسب إجروح


أريد أركي أعله صدرك راس تعبــان
وأسولف عن عذابي وغربة الروح

جاي أنزع إبجـَفٌك سهم الأصحاب
تبروا من طحت عافوني مطروح
سحكَوا فوكَ راسي وجرهم الخوف
ونزلو للوحَلْ من عالي السطوح
ويوم إلليٌ شفتهم وكَعو إبٌيـــر
نزلت وساعدتهم وآنـــه مطروح
ويوم إللٌي شفتهم نزفو إهــواي
كَمت إنطيت دم واحلبت الجروح

أريد أبجي إعله صدرك مشتهي النوح
وأريد أكَعد إكَبالك واحسب إجروح